لا شئ يستحق الحزن من أجله .. إلا الإسلام



الحياء شعبة من شعب الإيمان

كن كالنخيل ، عن الأحقاد مرتفعا

فمن للأمة الغرقى ، إذا كنا الغريقينا ؟

السبت، 7 يونيو 2008
لآلىء مطبوعه
بسم الله الرحمن الرحيم

السلام عليكم و رحمة الله و بركاته

عدنا بعد غياب دام شهر و نصف

و كان من اغرب شهر و نص فى حياتى لما فيه من امتحانات و غيره من أقدار الحياة


معى اليوم بعض اللآلىء
بالنسبة لى فهى لآلىء
و طبعا مش انا اللى كاتبه اى كلمه من اللى جاى
هى لآلىء مطبوعه فى كتاب و أعجبتنى و احببت أن انقلها لكم
و أحتفظ بها فى مدونتى

الآلىء من (1) إلى (4) من أحدى كتب د / طارق سويدان




(1)


هوّن عليك فؤادى لست منهزماً......... حتى أراك أمام الحزن هياباً
هوّن عليك فؤادى و اتخذ سبباً .........إلى التفاؤل و اترك عنك ما رابا
لذلك الناس لو لم يفقدوا أملاً ..........لحوّلوا شدة الإعراض ِ إعجابا

(2)

إذا وجد النور فى النفس ، وجد الجمال فى الإنسان ، و إذا وجد الجمال فى الإنسان ، وجد الأنسجام فى البيت و إذا وجد الأنسجام فى البيت ، وجد النظام فى الأمة ، و إذا وجد النظام فى الأمة ، صعدنا سلّم المجد .


(3)
يؤمن الناس بشكل عام أن للقائد دوراً أساسياً فى النجاح من حيث أن تفسير الأحداث أسهل بربطها بالأشخاص .
و عدم ربط النتائج بمجموعة معقدة من الظروف و الأحداث ، لأن الناس تشعر بارتياح أكبر عند تفسير النجاح او الفشل بأنه نتيجة لشخص معين ..... هذا هو الواقع سواء وافقنا عليه أم رفضناه.

(4)

إن الإنسان لا يصبح إنساناً صاحب ضمير إلا إذا رباه إنسان صاحب ضمير و من هنا يأتى شرف التربية

(5)

يظن الكثير من رجال الإدارة أن العلاقات الإنسانية فصل فى كتاب تنظيم العمل ، و هم فى هذا مخطئون ، فالعلاقات الإنسانية هى كل الكتاب
(بيلفر شتاين)

(6)
لا يمكن للمرء أن ينجح فى قسم من حياته بينما هو لا يحسن صنعاً فى باقى الأقسام .فالحياة كلُ لا يمكن تجزئته
(غاندى)

(7)
لا تسأل الظالم لماذا ظلم و لكن أسأل المظلوم لماذا سكت على ظالمه

(8)
البعد عن الناس غنيمه
(أم حبيبه)
دى الحاجه الوحيده اللى قولتها بنفسى هنا
عشان كده ممكن ألاقى اعتراض عليها

(9)
و ختاماً
" ألا بذكر الله تطمئن القلوب"
صدق الله العظيم
بعض من هذه الآلىء احسست انه يمكن كتابة بوست كامل عليها
و لكن يتمعن كلاً منها فيهن و يخرج ما يخرجه منهن
السلام عليكم
31 Comments:

البعد عن الناس غنيمة؟؟؟؟!!!!!
يعنى تغيبى شهر ونصف وتيجى تقولى (البعد عن الناس غنيمة)....
بجد مش عارفة أقولك إيه!!!!

بس أكيد إنتى قولتى الكلمة دى لأنك مريتى بظروف معينة أو حصلت لكى مواقف من بعض الأشخاص.... بس طبعاً الكلام ده خطأ خالص....وأنتى أول واحدة عارفة كده
****************************
أكثر ما أعجبنى اللآلئ رقم(9, 7,4,2) بجد روووعة

7 يونيو 2008 في 5:12 م  

حمد الله على سلامتك
انتي كمان لؤلؤة
بارك الله فيكي وجزيتي الخير
تحياتي

7 يونيو 2008 في 8:58 م  

لا تسأل الظالم لماذا ظلم و لكن أسأل المظلوم لماذا سكت على ظالمه


دى ف الجون

جزاكم الله خيرا أم حبيبة

7 يونيو 2008 في 11:45 م  

اولا: بحييكى على عودتك مرة تانيه بجد البلوج نور.
ثانيا:اللآلئ بجد كلها احسن من بعضها ماعدا واحده وانتى عارفه اننا هنعترض عليها , لكن من اكتر الحاجات اللى عجبتنى اوى 2,6,7,9 واحسنهم7 بجد الجمله ده أثرت فيا اوى .
ثالثا: ايه بقى رقم 8 ده البعد عن الناس غنيمة ؟ انا وصلنى منها معنيان :الواحد بيبعد عن الناس ممكن تكون فرصة للتأمل وتقوية الذات من تانى وتجميع القدرات وترتيب الحياة للبدأ من جديد أو .............
تعب سببه الناس ولما بعدنا عنهم استريحنا ..يا اترى بقى انتى مين فيهم؟؟؟؟؟؟

8 يونيو 2008 في 7:19 ص  

للدرجة دي كارهانا وتقووليلي عاوزة أشوفكم يا بكاشة؟

ماشي ماشي
ليكي يوم هشوفك فيه

أهلا بيكي تاني وبو انك افسدتي فرحتنا برجعوك بالكلمة دي

أما عن الآلئ فهي جميلة جدا
أفسدتها قطعة فحم ألقيت في قلبها

لا حقيقي الكلام جميل
تسلم ايديكي
بس ناقص ملح

8 يونيو 2008 في 2:41 م  

أروع حكمة:

إذا وجد النور فى النفس ، وجد الجمال فى الإنسان ، و إذا وجد الجمال فى الإنسان ، وجد الأنسجام فى البيت و إذا وجد الأنسجام فى البيت ، وجد النظام فى الأمة ، و إذا وجد النظام فى الأمة ، صعدنا سلّم المجد .

شكرا لك

8 يونيو 2008 في 5:57 م  

السلام عليكم ورحمة الله وبركاته

لآلئ ما اجملها وما اروعها

بارك الله فيكي

ونعتذر عن طول الغياب انها الامتحانات ما اقبحها

ننتظر زيارتكم في مدونة ميخا في شكلها الجديد

9 يونيو 2008 في 12:30 ص  

بقدر مااسعدنى رجوعك مرة اخرى الى التدوين بقدر مااحزنتى تللك الخاطرة

"البعد عن الناس غنيمة"


عذرا فلم اقدر على غير البكاء


اسعدك الله حبيبتى ويسر امورك

9 يونيو 2008 في 4:09 ص  

جزاكى الله خيرا يا ام حبيبه بجد بوست جميل

اول البعد عن الناس ليس من الغنيمه ولكن هذه ليس بى عادات رسولنا الكريم

اتمنا توفيئك دائما وابدا وواصلى عطائك الى تدوينك

واتمنا زيارتك عاجل ام اجل

9 يونيو 2008 في 1:27 م  

إن الإنسان لا يصبح إنساناً صاحب ضمير إلا إذا رباه إنسان صاحب ضمير و من هنا يأتى شرف التربية

فعلا المقولة دي مؤثرة جدا وهي مفتاح نجاحنا لأن الضمير هو اساس كل شئ

والبعد عن الناس غنيمة فعلا لأن كتر الاختلاط مع الناس بيوقعنا في الغلط فكلامك صح بنسبة 83.68%

تحياتي

9 يونيو 2008 في 2:43 م  

إذا وجد النور فى النفس ، وجد الجمال فى الإنسان ، و إذا وجد الجمال فى الإنسان ، وجد الأنسجام فى البيت و إذا وجد الأنسجام فى البيت ، وجد النظام فى الأمة ، و إذا وجد النظام فى الأمة ، صعدنا سلّم المجد .

رائعة تلك الالىلىء(هما بيكتوبوها ازاى دى)
____________________________

لولولولى حمدا لله على سلامة العودة
وحشتتتييينا جدا جدا يا أم حبيبة يا عسل يا سكر يا ....
بس البعد غنيمة ..طب والناس اللى قدرك قدرك ومش عارفة تبعدى عنها :)
يا بنتى هتروحى منهم فين :)
ربنا يقدرلك الخير كله ويديم عليكى نعمة الحب فى الله ويكرمك من فضله بأكتر مما تتمنى ويحفظك دايما إن شاء الله

كلمة على الهامش كده : بحبك ..بحبك ..بحبك (اتنين لمون لوسمحت ووردة بلدى من أم خمسين قرش ومتنساش باقى 3الجنيه علشان mcv:):)

9 يونيو 2008 في 5:43 م  

اولا حمد الله على السلامة
وبالتوفيق دائما ويارب تنولى كل اللى تتمنية
يوست رائع
تحياتى لكى
ولمدونتك الرائعة

10 يونيو 2008 في 11:43 ص  

إذا وجد النور فى النفس ، وجد الجمال فى الإنسان ، و إذا وجد الجمال فى الإنسان ، وجد الأنسجام فى البيت و إذا وجد الأنسجام فى البيت ، وجد النظام فى الأمة ، و إذا وجد النظام فى الأمة ، صعدنا سلّم المجد .


روووووووعة بجد

احسنت حبيبتي

موضوع مفيد ياسكرة

الحمد لله على انتهاء الإمتحانات

دمتي بخير

11 يونيو 2008 في 8:59 ص  

كلمات جميله
بارك الله فيكي
والبعد عن الناس غنيمه لا اعتراض لكن القرب منهم غنيمه برده .. ولا اعتراض
ناس وناس

11 يونيو 2008 في 1:15 م  

(ان تخالط الناس ويؤزونك وتصبر عليهم خير من الا تخالطهم ولا يؤزونك)

12 يونيو 2008 في 2:56 م  

فعلا لألئ
بس ايه البعد عن الناس غنيمة ده
التعميم مش صح أكيد
أنا قعدت أفكر فى الأية القرانية
وكأنى أول مرة اقرأها
شكرا وتحياتى

13 يونيو 2008 في 4:44 ص  

جزاكم الله كل خير
واكثر ما اعجبني
إن الإنسان لا يصبح إنساناً صاحب ضمير إلا إذا رباه إنسان صاحب ضمير و من هنا يأتى شرف التربية
تدوينة رائعه وكما قيل ان من البيان لسحر
بارك الله فيكم

13 يونيو 2008 في 5:37 ص  

السلام عليكم

بوست مميز

تسلمى علية

ربنا يوفقك ويكرمك فى الامتحانات

تحياتى

13 يونيو 2008 في 11:09 ص  

ياااااااااااااااااااااااه
عودا حميدا

وان شاء الله بالتوفيق

البعد عن الناس غنيمة

ههههههههههههههه كم مثيرة هذه الجملة للجدل

هى عندى انا حلوة اوى

14 يونيو 2008 في 9:51 ص  

حمدا لله على رجوعك بالسلامة
وحشتينى جدا
كل كلامك دررولآلئ
افضل رد على (البعد عن الناس غنيمة )
هو ابيات الشعر فى اللؤلؤة الاولى
وكلمات اللؤلؤةالسادسة.
ياآية البعد عن الناس هو الموت
رعاك الله وأكرمك.

25 يونيو 2008 في 5:49 ص  

ازيك يا ام حبيبه

جميل اوي البوست وانا بصراحه استفدت كتير


لكن عندي عتاب بسيط اتمني تعديله


حضرتك كاتبه ( اقدار الحياة)
اتمني تغييرها الي اقدار الله


ربنا ينفع بيكي


وتعليقك نورني

25 يونيو 2008 في 7:27 ص  

مبروووووووك رجوعك
مع انك قلتى كلمتين اتخنقت منهم
وشكرا على الآلئ

26 يونيو 2008 في 8:26 ص  

اختى الكريمة

اثناء تجولى فى المدونات وجدت مدونتك وشدتنى كثيرا مابها وسرعان مااحسست بالضيق من تللك الجملة التى قولتيها وهى البعد عن الناس غنيمة وتذكرت نفسى وانا فى فترة دراستى الجامعية تللك الفترةة التى سببت لى بعض المشاكل التافهة ان ابتعد عن الناس واعيش بحالة اكتئاب واقنع نفسى بان البعد عن الناس هو الحل وكنت اجد صديقات حبيبات هم فعلا عرفت من تللك الفترة اخلاصهم فى حبى لى كنت اجدهم كثيرى الاهتمام بى حتى يخرجونى من تللك الحالة وكنت انا ازاد عنادا وازداد بعدا حتى نفذت طاقتهم فكل انسان اختى الحبيبة له طاقة محدودة للصبر واهملونى نهائيا حينها فقط ادركت اختى الكريمة قيمة هولاء الاصدقاء والصحبة ولكنى للاسف لم استطع ان ارجع بهم مثلما كانوا فى الاول فاصبحنا معرفة فقط وانتهى الامر بعد التخرج بالبعد النهائى

اختى الكريمة انصحك نصيحة اخوية من اخت لكى كبيرة

عيشى كل لحظة بلحظتها ولا تقولى بكرة هفرح وهاكون كويسة بالعكس هيزداد الالم والحزن فى قلبك اكثر فاكثر

حبيبتى ثقى بمن حولك ولا تفكرى بشئ فكل شئ قدر الله

ولاتتركى اصحابك يتركونك وانت تقنعينى نفسكى بان البعد غنيمة

ومن خلال قراءة التعليقات وجدت ان هناك الكثيرات الاتى يحبونك كثيرا فتمسكى بهم ولا تتركى نفسك وتسسلمى للمشكلات فانتى لاتعلم متى ينقضى عمرك


حبيبتى اذهبى الى صديقاتك واحكى لهم مابداخلك وباذن الله تجد عندهم الحل

استعينى بالله اولا واخيرا واحرصى على رضاء الرب ورضاء الوالدين تجدى نفسك اسعد انسانة

اختى صدقينى لن تعرفى قيمة ماتملكيه الا عندما تفقديه

فاحرصى على الا تفقديهم

ارفعى سماعة الهاتف وتحدثى اليهم واخرجى من بيتك وعيشى حياتك فى ظل رضا الله


اسفة جدا على التطويل ولكنى احسست انه على ان اصارحك بحقيقة ماحدث لى حتى لا يحدث لكى فانا اشعر بالآلآم عنادى ومشكلاتى التافهة وادفع ثمن وحدتى

ادم الله عليكى نعمة الصحبة الصالحة

وتذكرى اختى انها نعمة عظيمة عليكى شكر الله عليهابان تحافظى عليها مادامت صالحة

اتمنى الاكون سببت لكى ازعاج

السلام عليكم ورحمة الله وبركاتة

27 يونيو 2008 في 11:52 ص  

السلام عليكم
زياره اولى لمدونه رائعه جزيت عنها كل الخير..
وهذه الكلمات التي تعد حقا لآلئ لمن يعيها ويعمل بها..
تحياتي
سلام

28 يونيو 2008 في 7:34 ص  

كلامك جميل

28 يونيو 2008 في 1:10 م  

تدوينة جامعة
وعايزين من ده كتير

30 يونيو 2008 في 5:38 م  

السلام عليكم ..

بوركت أختنا فى اختيار الكلمات ..

للألئ منتقاه .. جزاكم الله خيرا ..

وعوداً حميداً ..

1 يوليو 2008 في 12:27 ص  

إذا وجد النور فى النفس ، وجد الجمال فى الإنسان ، و إذا وجد الجمال فى الإنسان ، وجد الأنسجام فى البيت و إذا وجد الأنسجام فى البيت ، وجد النظام فى الأمة ، و إذا وجد النظام فى الأمة ، صعدنا سلّم المجد .

رااااائعه الجمله دى
نفع الله بك ,, تحياتى

4 يوليو 2008 في 1:22 م  

البعد عن الناس غنيمه
ليه كده بس
هو فعلا ياريت الناس تعرف يعنى ايه علاقات انسانية اصلا

9 يوليو 2008 في 7:01 ص  

عجبتنى اوى رقم 7 وبجد بتجسد واقع ملموس عند الكثيرين

15 يوليو 2008 في 10:46 ص  

الكلام حلو أوى

19 سبتمبر 2008 في 5:27 ص  

إرسال تعليق

<< Home