الأربعاء، 16 أبريل 2008
15 أبريل حكمت المحكمه.......
بسم الله الرحمن الرحيم السلام عليكم و رحمة الله و بركاته امبارح الساعه 11 و نص الصبح فتحت التليفزيون لعل يكون فى اخبار عن الحكم فى المحاكمات العسكريه فتحت الجزيره قريت الشريط الاحمر : القاهره تواجد أمنى مكثف للمحاكم العسكريه لقيادات الاخوان الخبر التالى ع طول : تبرئة نائب عن الجزب الوطنى من تهمة توريد أكياس الدم الفاسده قريت الكلام ده من هنا و رد فعلى كان طبيعى جدا ( صدمه مع صعقه مع صويته) قولت خير يبقى كده فى احتمال الاحكام تصدر فى صالح الاخوان و الاغلبيه تأخد براءه و لو حد خد سجن يبقى من حيزيد عن 3 سنوات و هما عملوا كده على اساس ان محدش يهيج عليهم و الناس تتلهى بالفرحه بالافراج و ساعتها تبقى مكتوبه لـ هانى سرور و دى طبع النظام انه يلهى الناس او يسكتهم بأى حاجه مش جيجيب يعنى الاسلوب ده من بره عدى ساعه و كمان ساعه فتحت الجزيره الساعه 1 و نص كده لقيت عاجل : الحكم بالسجن من 3 ل 10 سنوات على قيادات الاخوان دى بقى كانت الصدمه الكبيره و بعد الخبر ده مكتوب نفس الخبر التانى تبرئة نائب عن الحزب الوطنى من تهمة توريد أكياس الدم الفاسده كان هاين عليا ساعتها اكسر التليفزيون يعنى يا ولاد ... تبراءه القاتل ده و اللى معاه و تحكموا ع الإصلاحيين بالسجن من 3 ل 10 سنوات حد يقولى الكلام ده يعقل إزاى بجد عايزه رد عن السؤال ده و بعدين هى البجاحه وصلت لكده ؟؟ أنهم يصدروا الحكمين فى يوم واحد ؟؟و ليه كده ؟؟ بيغظونا ؟؟ يا ترى ده استهوان بالشعب المصرى قبل ما يكون استهوان بالاخوان ؟؟ مش حقول انى مش اتغظت فى الاول بس يكفينى أنى لسه برضه حاسه بعزه بعد كل اللى حصل و اللى متأكده منه انكوا بعد اللى انتوا عملتوا حاسيين بحقاره نفسكوا اكتر من الاول يمكن عملتوا و نفذتوا اللى انتوا عايزينه لكن برضه حاسيين من جواكوا بـ قمة الحقاره و يبقى : و لا تحسبن الله غافلاً عما يعمل الظالمون صدق الله العظيم |
posted by أم حبيبه at 4:24 م
لا يمكن التعليق الا بانها محاكمه في منتهي السخريه
خاصه ان الحكمين في نفس اليوم !!!!!!!!
منتهي السخريه
اللي يعيش ياما يشوف
دولة الظلم ساعة حبيبتي
ربنا موجود وقادر على كل شيء
هم اختاروا انهم يبقوا ربايين
وهنقول ايه بس لعله خير
ربنا يفك كربهم واسرهم يارب
تحياتي وتقديري
اكيد طبعا مقصودة ان القضيتين يكونوا فى يوم واحد
واحد حزب واطن ياخد هو واللى معاه برائة
وناس اخوان ياخدوا من 10 الى 3 سنين احكام عسكرية
علشان الرسالة توصل صح للشعب
"معانا فى الحزب الوطنى تكسب مع الاخوان خسران خسران"
لكن هما فاكرين الشعب ايه اعمى مبيشوفش؟
اهبل مبيفهمش؟
لا والله الناس فاهمة وشايفة
والاخوان اذا كانوا اخدوا سنين واتصدرت اموالهم فباذن الله ثوابهم وجزائهم يوم القيامة
وحسبى الله ونعم الوكيل
ربنا ينتقم منهم ياااااااااااارب
ويصبر اهالى المعتقلين ويثبتهم
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
لانملك سوى الدعاء للظالمين بالهلاك
لاهالى الشرفاء بالصبر والثبات
حبيبتى ام حبيبة مهما طال الظلم فسياتى فى النهاية فجرا ليشرق بنوره وشمسه
حسبنا الله ونعم الوكيل
" ولا تهنوا ولا تحزنوا وأنتم الاعلون إن كنتم مؤمنين "
تلك سنة الله في كونه أن يبتلي المرء في دينه ودنياه ثم يمكن بعدها
ولا ننسي ألا إن سلعة الله غالية ألا إن سلعة الله الجنة
كان قرارنا حمل الدعوة والجهاد في سبيل نصرة الاسلام قرارا واضحا يحمل بين طياته استعدادنا لتحمل تبعاته
(إن الله شتري من المؤمنين أنفسهم وأموالهم بأن لهم الجنة)
اللهم الصبر والثبات ووعدك
السلام عليكم
اعضاء الحزب الوطنى لهم الحق فى عمل اى شئ فهذا الحزب العظيم يعطى حصانة لمن يكون عضو فية تحياتى لكى
يأبى الظالمون الا ان يدفعون المصلحين نحو القمه من حيث لا يحتسبوا وستستمر شجرة الحق الطيبة عميقة الجذور سامقةالاغصان اماثمارها النضرة فنراها فى جيلكم الواعى الذى سيحمل الراية ثم الملتقى فى مقعد صدق عند مليك مقتدر هذا غير اخرى نحبها نصر من الله وفتح قريب.
مدونتك جميلة يا آيه,ربنا يوفقك.
يالسخرية الأخبار
أساساً الأخوان ماأشتركوش في الإضراب
يبقي يتحبسوا ليه ؟
حسبنا الله ونعم الوكيل..
وكما قالت أختنا الحبيبة(دولة الظلم ساعة ودولة الحق إلى قيام الساعة)
اللهم انتقم من الظالمين وطهر مصر منهم ومن مصائبهم....اللهم آمين
ليست محكمة إنها مهزلة
لن تثنينا أحكامهم الجائرة
ومش هنبطل ومش هنسافر ومش هنسيب
وفعلا قمة الحقارة
يقصد الظلمة بحكمهم الغاشم أن يزعزعوا يقيننا بالنصر ولكن أنى لهم ذلك ..قال تعالي :"وغدا يفرح المؤمنون بنصر الله"
و لا تحسبن الله غافلاً عما يعمل الظالمون
---
صدق الله
العظيم
لايدوم الظلم ولا الظالم
تحياتى
فعلا حسبى الله ونعم الوكيل
فى خذه البلد
انقلب الحال
شرفاء البلد فى المعتقل
وحراميها فى البلاد
منك لله يا مبارك
بقى اللى يسمم الشعب ياخد براءه
بقى اللى يغرق الشعب تهربوه
واللى يحافظ على البلد تسجنوه
بوست جميل
فكرته حلوه
ساعه ماشوفت شريط الجزيره يومها
كنت هاعمل بوست عن ده
لكن ماعملتش
بس حضرتك عملتى
وطبعا طرح حضرتك للموضوع هيبقا احسن من طرحى
فجزاك الله خيرا
كويس انا حاسة انهم بيرخو الحبل و بيتلف حولين رقبة الحكومة و ربنا حيفرجها قريب
يسجنوا عشرة يطلع عشرين بدالهم
ربنا يكرم
اوروفوار
وكانهم يخرجون لنا السنتهم
ثبتهم اللله
وجعل هذا فى ميزان حسناتهم
واسال الله ان يرحم تقصيرنا
وان يستعملنا ولا يستبدلنا
ااعزك الله
أختى العزيزة( أم حبيبة):
ندعوكى لزيارة موضوعنا الجديد بعنوان(هذه هى بنت الإخوان)على مدونتنا.جزاكى الله خيرا
حسبنا الله ونعم الوكيل
ليتهم يعلمون ما في اتباع هدي الله من سعادة ، لكنه الهوى الاعمى
سامحهم الله
جزاكي الله خيرا وجعلك سببا لنصر دينه