لا شئ يستحق الحزن من أجله .. إلا الإسلام



الحياء شعبة من شعب الإيمان

كن كالنخيل ، عن الأحقاد مرتفعا

فمن للأمة الغرقى ، إذا كنا الغريقينا ؟

الثلاثاء، 28 أكتوبر، 2008
اريد التدوينه القادمه بتاريخ اليوم
الخميس، 17 يوليو، 2008
اللى فعينه حلم --- يقوم دلوقتى يحققه إلاّ بكره ده كداب

( اللى فعينه حلم --- يقوم دلوقتى يحققه إلاّ بكره ده كداب)

الشاب بيرحل منك --- والشايب واقف يتسلم

العمر الأخضر طاب

طول عمرك بتأجل ---- بتأجل ---- بتأجل

أجلت الصدق لبكره --- واديك شبت وأنت كداب

أجلت التعليم --- وادى شعرك شاب وأنت مارحت الكتاب

أجلت العمر لبكره --- واديك لسه واقف عالباب

أجلت الأخلاص --- التضحيه --- الود --- واديك نصاب

أجلت الحب لبكره --- واديك شبت ولا فيش حواليك أصحاب

اللى شعره شاب --- يبقى جسمه شاب! يبقى قلبه شاب !

ابكى ---- وقول ارجع ياشباب

ده العمر سنين ودقايق وعمل وحساب

(عبد الرحمن الابنودى)

بقلم : ألقالك حد

السبت، 7 يونيو، 2008
لآلىء مطبوعه
بسم الله الرحمن الرحيم

السلام عليكم و رحمة الله و بركاته

عدنا بعد غياب دام شهر و نصف

و كان من اغرب شهر و نص فى حياتى لما فيه من امتحانات و غيره من أقدار الحياة


معى اليوم بعض اللآلىء
بالنسبة لى فهى لآلىء
و طبعا مش انا اللى كاتبه اى كلمه من اللى جاى
هى لآلىء مطبوعه فى كتاب و أعجبتنى و احببت أن انقلها لكم
و أحتفظ بها فى مدونتى

الآلىء من (1) إلى (4) من أحدى كتب د / طارق سويدان




(1)


هوّن عليك فؤادى لست منهزماً......... حتى أراك أمام الحزن هياباً
هوّن عليك فؤادى و اتخذ سبباً .........إلى التفاؤل و اترك عنك ما رابا
لذلك الناس لو لم يفقدوا أملاً ..........لحوّلوا شدة الإعراض ِ إعجابا

(2)

إذا وجد النور فى النفس ، وجد الجمال فى الإنسان ، و إذا وجد الجمال فى الإنسان ، وجد الأنسجام فى البيت و إذا وجد الأنسجام فى البيت ، وجد النظام فى الأمة ، و إذا وجد النظام فى الأمة ، صعدنا سلّم المجد .


(3)
يؤمن الناس بشكل عام أن للقائد دوراً أساسياً فى النجاح من حيث أن تفسير الأحداث أسهل بربطها بالأشخاص .
و عدم ربط النتائج بمجموعة معقدة من الظروف و الأحداث ، لأن الناس تشعر بارتياح أكبر عند تفسير النجاح او الفشل بأنه نتيجة لشخص معين ..... هذا هو الواقع سواء وافقنا عليه أم رفضناه.

(4)

إن الإنسان لا يصبح إنساناً صاحب ضمير إلا إذا رباه إنسان صاحب ضمير و من هنا يأتى شرف التربية

(5)

يظن الكثير من رجال الإدارة أن العلاقات الإنسانية فصل فى كتاب تنظيم العمل ، و هم فى هذا مخطئون ، فالعلاقات الإنسانية هى كل الكتاب
(بيلفر شتاين)

(6)
لا يمكن للمرء أن ينجح فى قسم من حياته بينما هو لا يحسن صنعاً فى باقى الأقسام .فالحياة كلُ لا يمكن تجزئته
(غاندى)

(7)
لا تسأل الظالم لماذا ظلم و لكن أسأل المظلوم لماذا سكت على ظالمه

(8)
البعد عن الناس غنيمه
(أم حبيبه)
دى الحاجه الوحيده اللى قولتها بنفسى هنا
عشان كده ممكن ألاقى اعتراض عليها

(9)
و ختاماً
" ألا بذكر الله تطمئن القلوب"
صدق الله العظيم
بعض من هذه الآلىء احسست انه يمكن كتابة بوست كامل عليها
و لكن يتمعن كلاً منها فيهن و يخرج ما يخرجه منهن
السلام عليكم
الثلاثاء، 22 أبريل، 2008
مقتطفات من تفكيرى
بسم الله الرحمن الرحيم

السلام عليكم و رحمة الله و بركاته


مقتطفات من تفكيرى
اصلى من الناس اللى بتقعد تفكر تفكر تفكر لغايت ما قريبا ممكن تتجنن من كتر التفكير


المهم:

تمنيت و لكن ..... رحمه الله

عندما علمت فى الصغر ان من يموت لها ابن او بنت لم يبلغ
يشفع لها يوم القيامه هى و زوجها عند الله و يدخلهما الجنه

وقتها تمنيت ان يموت لى طفلا بعد ولادته ( عشان مش الحق اتعلق بيه)
ليدخلنى و والده الجنه
و كنت اتخيل (ان فرحة الشفاعه ستفوق و تنسى حزن الفقد )
و لكن ......
امس علمت بموت ابن إحدى زميلاتى بعد الولاده بعده ايام
وقتها لم احتمل هذا الإحساس
و علمت ان الام تتعلق بطفلها من بدايه حملها
و لم استطع حتى التفكير فى موت طفل لىّ
إحساس صعب جداااااااااااا
و الاصعب فى حاله زميلتى انها لم تتعدى من العمر 20 عام
هل من الممكن تحمل حجم هذا الحزن فى هذا السن؟؟؟؟

و لكنى لم أرى منها إلا الصبر و الرضى بأمر الله
ربنا يثبتها و يصبرها
و يعوضها إن شاء الله
و يرحم ابنها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بيت بابا و ماما

من كام يوم فكرت فى مرحله المفروض انها بتمر على البنات
و هى انها تسيب بيت بابا و ماما و تروح بيت آخر
هى اللى حتبنى البيت ده مع نصفها التانى
بس يا ترى
هل من السهل ترك البيت اللى اتولدت فيه
و كبرت فيه و لعبت فيه
و اتربت فيه
و ذكريات الطفوله و اللعب
و المذاكره و الواجبات
و كل ده و تروح بيت تانى ؟؟؟
حسيت انه إحساس صعب جداااااااااا
و إزاى تسيب ماما و بابا كده لوحدهم
ياااااااااااااااااه صعب جدا

و تخيلوا بقى لو كمان البطيخه طلعت قرعه( الجوازه يعنى)
حتبقى مصيبه

ده كان إحساس شوفتوا فى بنات كتير اوى
و لكوا ان تتخيلوا انهم احيانا بيوقفوا حياتهم و يرفضوا
بسبب
" ابعد عن ماما....؟؟؟ " لاااااااا ابدا
يا ترى ده ينفع ؟؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

حلمت يوماً

فى يوم سمعت اوبريت " الحلم العربى"
تأثرت كثيراً به

و توقفت عن المشاهده لأنتقل إلى مشاهدة شىء آخر :

رأيت نفسى على ابواب المسجد الأقصى
و بجوارى ابنى هو قائد الجيش الذى حرر الأقصى
و يأخذنى لأكون اول من يصلى فى هذا المسجد المبارك بعد فتره الاحتلال الكبيره
و دخلت لأصلى خلفه مع المسلمين

و كان وقتها قد تحررت جميع بلاد المسلمين
( من الاحتلال الاقتصادى و العسكرى و الفكرى)
و تجمعت تحت كلمة الإسلام
و لها خلافه إسلاميه واحده
و كان يعم العالم السلام و الآمان
بتعاليم الإسلام

و لكن سرعان ما تذكرت ان ما انا فيه مجرد حلم نحتاج لتحقيقه ما لا يقل عن عشرين عام

و كم اشتقت وقتها للصلاة بالأقصى قبل الموت

اللهم أرزقنا الصلاة بالمسجد الأقصى

سؤال :
هل سنقدر على إعداد جيل (حبيبه و القاسم و عائشه و عبد الرحمن) ليكون هو من يحرر و يحدث النصر فى عصره ؟؟؟


ـــــــــــــــــــــــــــــــــــــــــــ
معلش على المقتطفه الثانيه جت بالعاميه
السلام عليكم و رحمة الله و بركاته










الأربعاء، 16 أبريل، 2008
15 أبريل حكمت المحكمه.......
بسم الله الرحمن الرحيم
السلام عليكم و رحمة الله و بركاته

امبارح
الساعه 11 و نص الصبح فتحت التليفزيون لعل يكون فى اخبار عن الحكم فى المحاكمات العسكريه

فتحت الجزيره
قريت الشريط الاحمر :
القاهره تواجد أمنى مكثف للمحاكم العسكريه لقيادات الاخوان
الخبر التالى ع طول :
تبرئة نائب عن الجزب الوطنى من تهمة توريد أكياس الدم الفاسده


قريت الكلام ده من هنا و رد فعلى كان طبيعى جدا
( صدمه مع صعقه مع صويته)

قولت خير يبقى كده فى احتمال الاحكام تصدر فى صالح الاخوان و الاغلبيه تأخد براءه و لو حد خد سجن يبقى من حيزيد عن 3 سنوات

و هما عملوا كده على اساس ان محدش يهيج عليهم و الناس تتلهى بالفرحه بالافراج و ساعتها تبقى مكتوبه لـ هانى سرور

و دى طبع النظام انه يلهى الناس او يسكتهم بأى حاجه مش جيجيب يعنى الاسلوب ده من بره

عدى ساعه و كمان ساعه
فتحت الجزيره الساعه 1 و نص كده
لقيت عاجل : الحكم بالسجن من 3 ل 10 سنوات على قيادات الاخوان

دى بقى كانت الصدمه الكبيره
و بعد الخبر ده مكتوب نفس الخبر التانى
تبرئة نائب عن الحزب الوطنى من تهمة توريد أكياس الدم الفاسده
كان هاين عليا ساعتها اكسر التليفزيون

يعنى يا ولاد ... تبراءه القاتل ده و اللى معاه
و تحكموا ع الإصلاحيين بالسجن من 3 ل 10 سنوات



حد يقولى الكلام ده يعقل إزاى
بجد عايزه رد عن السؤال ده

و بعدين هى البجاحه وصلت لكده ؟؟ أنهم يصدروا الحكمين فى يوم واحد ؟؟و ليه كده ؟؟ بيغظونا ؟؟
يا ترى ده استهوان بالشعب المصرى قبل ما يكون استهوان بالاخوان ؟؟

مش حقول انى مش اتغظت فى الاول بس يكفينى أنى لسه برضه حاسه بعزه بعد كل اللى حصل

و اللى متأكده منه انكوا بعد اللى انتوا عملتوا حاسيين بحقاره نفسكوا اكتر من الاول يمكن عملتوا و نفذتوا اللى انتوا عايزينه لكن برضه حاسيين من جواكوا
بـ
قمة الحقاره

و يبقى :

و لا تحسبن الله غافلاً عما يعمل الظالمون
صدق الله العظيم




الأحد، 30 مارس، 2008
تحدثت عنه اليوم
بسم الله الرحمن الرحيم
السلام عليكم و رحمة الله و بركاته



كنت أتحدث عنه انا و هن اليوم فوجدت فيه
صاحب الرساله
فارسى
المعلم المربى
القائد الناجح
الرجل بمعنى كل ما تحمله الكلمه من صفات
فهو صاحب الرساله
لأنه اكثر رجل وجدته حريص على رسالته و توصيلها للأمه بأكملها
فهو من صنع هذه الأمه
فهو الذى ضحى بالكثيييييير من أجل رسالته ....... أهانه الناس و هو اكرمهم و أشرفهم ........ عذبوا من معه و هم من الرعيل الاول لرسالته
مهما تكلمت فى وصفه كصاحب رساله لن أوفيه حقه

هو فارسى

هو فعلا فارسى بعدما وجدت حنانه و حبه و وفائه لزوجته الاولى حتى بعد موتها بسنوات و دفاعه عنها بعد كل هذه السنوات انها هى التى صدقته وقت كذبوه الناس و هى التى دافعت عنه ...................
فكم من مواقفه مع زوجاته الكرام يجعلنى ارى فيه فارسى

هو المعلم المربى
فكم من رجال علمهم و رباهم منهم من اكبر منه سناً و منهم من اصغر منه بكثييييييييييير هذا فى عصره
و لكنه علم من بعده و بعده و بعده إلى هذا العصر فهو القدوه فى كل شىء و هو المربى الناجح فى اساليبه
و التى نتعلم منها اليوم كيف نربى أبناءنا


هو القائد الناجح

فهو الرجل الذى قاد أمه بأكملها
و لكنه هو الذى جمع هذه الامه اولاً واحد فواحد فواحده فكثر تحت قيادته
و لم يكتفى بقيادتهلهم فحسب لكنه صنع قاده من بعده
فهذا الرجل هو من صنع قائد يبلغ من العمر 17 عام و أيضا قائد يبلغ من العمر الكثير

هو الرجل بكل ما تحمله الكلمه من معانى
فهو الصادق، الامين، الوفى ، هو من يقول الحق ، الحيي


كم تمنيت اليوم ان اكون أتانى التى ركبت عليها حين كنت رضيعا مع السيده حليمه و بعد ضعفها التى كانت فيه اشتدت بعد ركوبك عليها و قطعت ما لا يقدر عليه شىء من الحمر

و كم تمنيت أن اكون شعره فى يدك اليوم

و كم تمنيت اليوم ان أكون حبة رمل تناثرت عليك فى أحدى الغزوات

فكم أشتاق إلي رؤياك يا حبيبى يا رسول الله

اللهم صلى على سيدنا محمد ( عليه افضل الصلاه و اتم السلام)

اللهم أجمعنى معه فى الفردوس الأعلى و المسلمين أجمعين
اللهم آميييييييييين



الثلاثاء، 18 مارس، 2008
أم حبيبه ج2
السلام عليكم و رحمة الله و بركاته
نكمل سيرة أمنا أم حبيبه إن شاء الله
بعد عوده المسلمين من الحبشه قام سيدنا عثمان ابن عفان رضى الله عنه وليمه فى عرس النبى صلى الله عليه و سلم و أم حبيبه غير الوليمه التى قان بها النجاشى عند عقد النكاح

عاشت ام حبيبه حياة هانئه مع النبى ترى السلام القائم فى معسكر الإيمان فى المدينه تحت لواء الرسول و معسكر الشرك تحت لواء ابيها ابى سفيان و تنظر فى سعاده للسلام القائم بينهما ( صلح الحديبيه) و تأمل فى ان ينتهى هذا السلام بدخول ابيها و قريش إلى الإسلام

و لكن لم يلبث ذلك طويلا و إذ بنقض صلح الحديبيه و يحاول ابى سفيان مصالحة الرسول صلى الله عليه و سلم

فذهب ابى سفيان إلى الرسول فى بيته فى المدينه و دخل بيت ابنته و دار بنتهما الحوار المعروف


حينما أراد الجلوس على فراش الرسول و طوته عنه و قال لها ارغبتى بى عنه ام رغبت به عنى ؟؟؟
فقالت له : هذا فراش رسول الله صلى الله عليه و سلم و أنت رجل مشرك نجس و لم أحب أن تجلس على فراش رسول الله صلى الله عليه و سلم ( ياااااااااااااااه يا أمى لدرجه دى حبك لرسولك صلى الله عليه و سلم و زوجك و تفضيله عن الاب الغائب كثير ؟؟؟)

فخرج فلقى الرسول فكلمه فلم يرد عليه الرسول شيئاً
فذهب الى ابى بكر ليشفع له عند الرسول فرفض و ذهب لـ عمر رضى الله عنها فرفض فذهب لى علىّ بن ابى طالب بدار حوار بينه و بين سيدنا علىّ و السيده فاطمه و انتهى الحوار بان سيدنا علىّ اشار عليه بالرجوع الى ارضه و خرج ابا سفيان الى ارضه

فتح مكه : مع فتح مكه اعلن ابا سفيان إسلامه و سعدت ام حبيبه بذلك


و من مواقف السيده ام حبيبه :
- عرضت السيده ام حبيبه على الرسول صلى الله عليه و سلم أن يتزوج من أختها
فسألها الرسول : أوتحبين ذلك ؟؟؟فقالت : نعم و لست بتاركه لك و أحب من يشاركنى فى خير أختى فيقول النبى صلى الله عليه و سلم لها : لا يحل لى

( بصراحه الموقف ده على اد ما هو موقف عادى فى اسلوب حواره بس لما قريته ابتسمت اوى حسيت فيه بفن حوار الرسول لزوجته )

- و روى عن السيده عائشه : عندما احست السيده ام حبيبه بدنو أجلها دعت لها تطلب منها السماح إن كانت قد أساءت لها يوما فقالت قد كان يكون بيننا ما بين الضرائر فسامحينى فقالت لها السيده عائشه : حللتك( سامحتك) و استغفرت لها فقالت : لقد سررتنى سرك الله و أرسلت الى ام سلمه بمثل ذلك رضوان الله عليها

سبحان الله
ما أجملكوا و أسمحكوا أمهتنا

و قد سندت ام حبيبه 65 حديثاً و اتفق البخارى و مسلم على حديثين و تفرد مسلم بحديثين